Lehiakideen zerrendan nabarmentzekoak dira nazioarteko maila goreneko hainbat kirolari, emakumeen zein gizonezkoen kategorietan. Horien artean, Europako eta Espainiako hainbat emakumezko txapeldun eta txapeldunorde izango dira Faduran, banakakoan edo binakakoan: Alejandra Lavín eta Héctor Díez edo India G. Rojo-Gerardo Berciano eta Itxaso Carames-César Tazón bikoteak, besteak beste. Gainera, ikuskizuna erabatekoa izango da Pierluca Tocco italiarraren parte-hartzeagaz; Tocco Munduko txapeldunorde eta Europako txapelduna izan zen patinajean, eta gaur egun bere showman alderdia lantzen du eskaintzen dituen erakustaldietan.
Kategoria denetako lehiaketak eta erakustaldiak egongo dira asteburu osoan, baina zapatu arrastian jokatuko da maila goreneko eta jendearen interes handieneko norgehiagoka, 16:30etik aurrera. Sarrera doan izango da.