Zugatzarte etorbidean, Andres Larrazabal eta Klub kaleen arteko zatiko espaloia zabaltzean datzan obra eta 1.500 metro koadroko lan-eremuan izango du eragina. Argiztapen-kanalizazio zati bat egitea ere aurreikusita dago eta baita eserleku berriak jartzeko oinarriak jartzea ere tarte horretan eta Klub eta Pinueta kaleen artekoan. Aldi berean, Zugatzarte etorbide eta Pinueta kaleen artean dauden haurrentzako jolasen gunera heltzeko baldintzak ere hobetuko dira.
Lehenengoz, lanetarako etxolak jarriko dituzte (Zugatzarte etorbide eta Klub kaleen artean); lanaren zuinketa egingo dute eta baita oinezkoentzako behin behineko bidea ere Klub kaletik Andres Larrazabal kaleraino, merkataritza gunera heltzeko pasabide bategaz.
70.000 euro inguruko aurrekontua duten lanen iraupena bost astekoa izango da, eguraldi baldintzen arabera.
Proiektuaren bigarren fasea onartu gura du laster Gobernu-taldeak, Klub kaletik Biscaytik eraikinaren sarrerara arte doana. Egitasmoa Gobernu-taldeak (EAJ eta PSE-EE) eta PPk adostutako hitzarmenaren emaitza da.