Eli Gallastegi "Gudari" zenaren semeetako bat, Iker, atzo zendu zen, Getxon. Bere aita bezala, ezker abertzaleko militante sutsua izan zen gazte-gaztetik; ETAgaz bat egingo zuen EGIko adarreko kide izan zen. Daborduko 83 urte zituenean, 2009an, 15 hilabeteko kartzela-zigorra ezarri zion Espainiako Auzitegi Nazionalak, Tele5 telebista-kateari egindako adierazpen batzuetan ETAren jarduna "goratzea" egotzita. Hiru dira espainiar kartzeletan uzten dituen ilobak: Irantzu, Huelvan; Lexuri, Almerian; eta Orkatz, Castellon.
Azken agurraren aurretik, Iker Gallastegiren gorpua Algortako Sarria beilatokian (Algortako Etorbidea, 69) egongo da, 17:00etatik aurrera.