Besteak beste, "Gernika" eta "Bosque de sombras" egin zituen Koldo Serra zinema-zuzendari algortarra aste gutxitan hasiko da "70 binladens" pelikula filmatzen. Horretan, Raquel izeneko etsitako emakumearen papera egingo du Emma Suárezek: 35.000 euro (kaleko hizkuntzan "70 binladen") lortu behar ditu, 24 orduko epean. Bere azken aukera hipoteka-mailegua eskatzea da. Transakzioa egitera doala lapur bi agertuko dira banketxean, Rakelen egoera are gehiago okertuz; denbora aurrera doa eta edozelan irten behar du banketxetik, diruagaz.
Javier Echánizen, Asier Guerricaechebarriaren eta Juan Gil Bengoaren gidoian oinarritutako pelikula Bilbon filmatuko dute martxotik aurrera; RTVE, ETB y Movistar+ daude parte-hartzaileen artean.