Berango aldean ura banatzeko egin behar dituzten lanak direla eta, gaur, astelehenean, ura kentzea aurreikusita zegoen Salsidu etorbideko hainbat etxebizitzetan eta Zubiletan (Poligono Gorria izenez ezagutzen denaren alde osoan). Hala ere, eguraldi txarragatik eguaztenera atzeratu dituzte lanok.
Ura banatzeko sare horretan emari-neurgailu bat ipintzeko egingo dira lanak. Hala, ura kenduko da eguaztenean, hilak 21, 22:00etatik eta egueneko, hilak 20, 08:00ak arte, Salsidu etorbideko 39 eta 96 zenbakien arteko etxebizitzetan (zenbaki bakoitietan) eta Izaro, Kuskuburu, Kurutxagane eta Zubileta kalekoetan.
Gainera, lanak egiten diren bitartean, uraren presio-jaitsiera gerta liteke Algortako goialdean eta Andra Mari inguruan.