Gainera, Eduardo Andrade Getxoko PPko zinegotzia ere egon zen martxan. Atzoko manifestazioa antolatu zuen Justicia Salarial Policial (Polizia-soldatetan Justizia, Jusapol) elkarteak, Estatu espainiarreko hainbat hiriburutan aurretik egin duen legez. Euren datuen arabera, 2.500 pertsona manifestatu omen ziren atzo Bilbon, tartean Getxoko hiru zinegotziak.
Polizien eta guardia zibilen elkarteak eskatzen du Espainiako Gobernuak euren oinarrizko soldatak ertzainen, mossoen eta hainbat udalerritako udaltzainen pare ipintzea. Euren eskaeren arabera, egungo 1.400 euroko soldata %50ean igo beharko liekete 2020 urtea bitartean. Eskaera horiek Espainiako Barne Ministerioari eta Juan Ignacio Zoido ministroari egin dizkiote; daborduko 175.000 sinadura baino gehiago batu dituzte. Oroitarazi dutenez, Mariano Rajoy Espainiako Gobernuko presidenteak 2009an agindu zien soldatak parekatzea. Bestalde, Zoidok zabaldu zuen 1.500 milioi euro bideratuko zuela horretarako, baina Cristóbal Montoro Ogasun ministroak aipatutako funtserako aurreikuspena 600 milioira jaitsi zuen. Horregatik, Jusapolek Zoidori leporatu dio gezurretan ibiltzea. Gaia bideratzeko hiru batzarren ostean, elkarteak dio "bileraz bilera nahasmena eragiten" duela Barne Ministerioak. Ostera, Jusapolek Ciudadanosen babesa jaso du.
Egoera horretan, Raquel González agenteen alde agertu da, horiek Estatuko bere alderdikideak kritikatzen dituzten bitartean.
Raquel Gonzálezen txioa
Ha sido un honor poder acompañar hoy a @jusapol en #Bilbao
— Raquel González D (@RaquelGlezDiez) 2018(e)ko otsailak 15
Aquí sabemos muy bien lo merecido que es la #EquiparacionSalarial de @policia y @guardiacivil que tanto han luchado por la libertad de todos!
Eternamente Gracias! pic.twitter.com/s6XDGZ9G9V
Getxoko Ciudadanosen txioa
Nuestro concejal @Sainz_Robles y @NicodeMig en la manifestación de @jusapoleuskadi por la #EquiparacionYa convocada en #Bilbao. ¡Estamos con vosotros! pic.twitter.com/xO8KQf5K8z
— Cs Getxo (@CsGetxo) 2018(e)ko otsailak 15