Lehenengo hitzordua martxoaren 1ean, eguenean, izango da, 19:00etan, Romoko Kultur Etxean. Bigarrena, aldiz, martxoaren 6an, martitzenean, Martikoena kaleko 12 zenbakian, 19:00etan baita ere. Horietan, datorren maiatzaren 24an egingo duten "Egingo al dugu Getxon 24 ordu euskaraz?" egitasmoaz mintzatuko dira. Ondoren, azaroaren akabuan, "11 egun euskaraz" jarduera antolatu gura dute.
Ekimenaren antolakuntzaz eta euskal hiztunak aktibatzeko jolasaz hitz egiteko bilera irekiak izango dira aipatutakoak.
Bultzada getxoztarrak.eus webguneari
Bestalde, bileretan www.getxoztarrak.eus webgunea sendotzeko urrats berriak ematera animatuko dute. Hori Getxoko euskal hiztunon komunitate digitala sustatzeko ekimena da eta horretan izena emateko gonbita luzatuko da bileretan, "11 egun euskaraz" ekimenean parte hartu gura dutenen arteko sarea sortu ahal izateko, eta baita bakoitzak hartuko duen jarrera zehazten joateko ere.
Era berean, webgunea komunikazio tresna bizkor eta bizia izatea gura dute, ekitaldien nondik norakoak azaltzeko eta aktibazio sozialerako prestaketa areagotzeko.