Martxoaren 8an eta 9an egingo dute Izakinen Amaierako Merkatuan Getxon, goizez eta arratsaldez. Martxoaren 10ean, zapatuan, goizez ere egongo da. Udalerriko 84 dendak parte hartuko dute egitasmo horretan.
Udazken-neguko denboraldiaren amaiera honetan, dendek prezio merkeetan kalera aterako dituzten produktu anitzak aurkitzeko aukera izango dute bertaratuko diren denek. Algorta eta Areetako denden kanpoaldean denetarik egongo da: modako artikuluak, kirola egitekoak, oinetakoak, lentzeria, liburuak, altzairuak, osagarriak…
Aurreko edizioen arrakasta ikusita, Udalak ekimen hori bermatu gura izan du berriro ere herriko komertzioa bultzatzeko eta sektore komertzialak eskaini dezakeena erakusteko helburuaz.
Eguraldiak ez badu uzten merkatua behar bezala garatzea, astelehenera eta martitzenera, martxoaren 12 eta 13ra luzatzea aurreikusten da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
