Datorren astelehenean, hilaren 19an, zirkulazioarentzat itxiko da Telletxe eta Andres Cortina kaleen arteko errepidea. Bide-mozketa egun horretako 22:00etatik datorren eguneko 06:00ak arte izango da, bide-zoruko fresaketa lanak direla eta.
Hori dela eta, Bihotz Alai plazako eta Algortako etorbideko garajeetan eta Aretxondo, Karitate eta Erribera kaleetan sartzeko ibilgailuek Juan Bautista Zabala kalea hartu beharko dute Algorta Etorbidean sartzeko.
Fresatze lanak amaitutakoan, eta eguraldiaren baldintzak onak badira, tarte hartako bide-zorua asfaltatzeko lanak egingo dira, eguen eta bariku bitarteko gauean, ordutegi berdinean; eta ondorioz, tarte hori berriro itxita egongo da zirkulazioarentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!