Algortako Portu Zaharreko zelaigune ondoko galtzada itxita egongo da ibilgailuentzat, bihar, eguaztenean, 08:00etatik 14:00ak arte, Jeneratxu aldeko bideak hormigoitzeko lanak direla-eta.
Getxoko Udalak jakinarazi duenez, galtzada hesi batzuakaz itxiko dute eta alderdi bat libre geratuko da ibilgailuek maniobra egin eta bira eman ahal izateko. Udaltzaingoak, prebentzio neurri gisa, aipatutako lanak hasi baino lehenago inguruan aparkatuta dauden ibilgailuak kenduko ditu.
Udalak barkamena eskatu du lan horiek sor ditzaketen eragozpenengatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!