Getxoko Jabekuntza Eskolak adierazi du oraindino plaza libreak daudela “Feminismoa margotzen” ilustrazio ikastaroan. Nagore Txintxurreta Isasik, ilustratzaile eta diseinugile grafikoak, gidatuko du tailerra. Kurtsoa apirilaren 14an eta 15ean izango da, euskaraz.
Emakumeek gizartean bizi duten egoerari buruz gogoeta egin ahal izango dute ikastaro horretan, tresna plastikoak erabilita (collageak, tenperak, testurak). Parte hartzaileek artista feministen lan batzuk ere ikusteko aukera izango dute. Getxoko Udalak adierazi duenez, “ikastaroan emakumeen sormena errazteko urratsak emango dira”.
Ikastaroak 5 euro balio du eta Getxoko Jabekuntza Eskolan izango da (Martikoena 16, Algorta), 10:00etatik 14:00etara. Emakume getxoztarrek lehentasuna izango dute, gainerako ikastaroetan bezala. Eskaera egiten dutenentzat haurtzaindegi zerbitzua egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
