Getxoko Udaltzaingoak pertsona bat atxilotu zuen atzo, domekan, goizaldean, bide-segurtasunaren kontrako delitua egotzita. Iturrien arabera, edari alkoholikoen eraginpean ari zen gidatzen bere autoa.
Atxiloketa 02:15ak aldera gertatu zen, Itzubaltzeta/Romon. Udaltzainek azaldu dutenez, aurretik zihoan ibilgailu batek bat-bateko maniobra bat egin zuen, eta ondoren ondo aparkatuta zegoen auto baten kontra jo zuen. Poliziek alkoholemia-froga egin zioten gidariari, 30 urteko emakumeari, eta 0,49 mg/l-ko tasa eman zuen, hau da, legez baimendutakoaren ia bikoitza.
Ikerketarako polizia-eginbideak ari dira egiten, Getxoko Guardiako Epaitegira bidaltzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!