Joan den zapatuan, Eduardo Andrade Getxoko zinegotzi popularrak jaso zuen Udal Praktika Onen Sariko garaikurra, Mariano Rajoy Espainiako presidentearen eskutik. PP alderdiaren konbentzio nazionalean jaso zuen, Sevillan.
Sari horren bidez, Espainiako PPk "gure herriaren alde egiten dugun udal-beharra goraipatu" duela azaldu dute Getxoko popularrek, poztasunez: "Harro gaude jaso izanaz eta zuen babesaz". Sevillako konbentzioan izan ziren eskualdeko hainbat zinegotzi eta arduradun popular: Raquel González alderdiaren Bizkaiko presidente eta Getxoko zinegotzia, Eduardo Andrade eta Susana de Cos Getxoko zinegotziak, Marisa Arrue militante eta arduradun historikoa, Aiala Egiluz Bizkaiko Exekutibako kide eta Erandioko zinegotzia, garaikurragaz, besteak beste.
Eskualdeko popularren ordezkaritza Sevillan (© BIZKAIKO PP)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
