Gizarte Larrialdietarako Laguntzak eskainiko ditu Getxoko Udalak, eta horien eskaera aurkezteko epea azaroaren 8an amaituko da. Diru-laguntzak Eusko Jaurlaritzaren eskuduntzakoak dira, eta aurten 667.245 euro zuzendu ditu udalerrirako; gainerakoa Getxoko Udalak ipiniko du.
Ohiko etxebizitza erabiltzeko eta mantentzeko gastuei aurre egin ahal izateko daude zuzenduta diru-laguntza horiek, hau da: alokairua; kredituaren amortizazioa eta interesak; energia, ura, zaborra eta estolderia; OHZ; oinarrizko beharrizanak eta ekipamendua; eta zorpetzea.
Elena Coria Gizare Zerbitzuetako zinegotziak azaldu duenez, “aldizkakoak ez diren laguntza hauek gastu arrunt eta ezohikoei aurre egiteko baliabide nahikorik ez duten pertsonei daude zuzenduta, eta gizarte-bazterkeriako egoerak saihesteko dira”.
Eskaera egin ahal izateko, emandako laguntzak justifikatu behar dira ordainagiri originalak aurkeztuz. Horiek aurkezteko epea 2019ko urtarrilaren 19an amaituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
