Fredi Paia eta Oihana Bartra bertsolariek jardungo dute datorren maiatzaren 19an, zapatuan, San Nikolas ikastolako bertso-afarian. Saioa ikastetxearen jantoki nagusian izango da, 21:00etatik aurrera.
Bertso-afarirako sarrera 20 euroan erosi ahalko da; horretarako aldez aurretik izena eman beharko da, bertsoafariak@sanikolas.com helbide elektronikoan edo ikastolako idazkaritzan bertan. Antolatzaileek azaldu dutenez, izena emateko azkenengo eguna maiatzaren 13a izango da.
Saioa San Nikolas ikastolak, NahiE euskara-taldeak eta ALBE Algortako Bertsolari Eskolak antolatu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!