"Kontua ez da nork utziko digun… nork geldiaraziko gaituen baizik. Guk ere jokatzen dugu" diote Getxo Rugby Taldeko jokalariek Europako errugbi-finalen aurretik grabatu duten bideoan.
Europako errugbi-txapelketak iragartzeko Bilboko Udalak egin duen bideo ofizialean gizonezkoak bakarrik ageri dira. Horren aurrean, beraiek ere jokatzen dutela aldarrikatzeko, antzeko beste bideo bat egin dute Getxoko, Bilboko, Eibarko eta Gernikako taldeetako emakumezkoek. Film labur horretan, Algortako Portu Zaharrean eta Bizkaiko beste hainbat kale eta plazatan ageri dira errugbian jolasten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!