Ekonomia  Getxo 2018-05-30 08:50

Lan-hitzarmena aldarrikatu dute Getxoko hondartza-garbitzaileek

Lan-baldintza duinak lortu ezean, greba abiatuko dutela iragarri dute Getxoko Hondartzak 2015 ABEEko zazpi beharginek. Jakinarazi dutenez, aste honetan bilduko dira enpresako arduradunakaz, akordioa lortzeko asmoz.

Lan-hitzarmena aldarrikatu dute Getxoko hondartza-garbitzaileek
Ereaga hondartza, artxiboko irudian. | Ikusi handiago | Argazki originala

Getxoko hondartzetako garbitzaileek jakinarazi dutenez, gaur egun ez dira 1.000 euroko soldatara heltzen, aparteko ordainsariak hainbanatuta dituzten arren; ez dute subrogatzeko eskubiderik ezta lan-hitzarmenik ere ez. Getxoko EH Bilduk babes osoa adierazi die, "eskariak justuak eta ukaezinak direlako".

Koalizio abertzaleak azaldu duenez, Getxoko Udalak eta Bizkaiko Foru Aldundiak duten hitzarmenaren arabera Aldundiak dirua jartzen du eta Udalak kontratazioak egin eta kontratazio pleguetan baldintzak ezartzen ditu. "Beraz, Udala da udal-zerbitzuak eskaintzen dituen langileen lan-baldintzen arduraduna eta  Udalari dagokio lan baldintza duinak bermatzea", salatu du. Horregatik denagatik, EH Bilduk mozio bat aurkeztuko du gaurko, eguazteneko, Udalbatzan, Udalak langile horien lan-baldintzak bermatzeko konpromisoa hartu dezan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa