Uribe Kostako Guda Dantza taldeak kontzertua (ska, rock eta reggae) eskainiko du domekan, hilaren 10ean, Algortako Andrés Isasi Musika Eskolako Kristalezko kioskoan. Hitzordua 12:00etan jarri dute. Eskola barruan, ordu berean, ukelele-tailerra egingo dute.
Eskolak urrira arte familientzat antolatutako goizeko kontzertu eta haur tailerren programaren barruan kokatuta dago aipatutako kontzertua.
Eskola barruan, ordu berean, Ukedada ukelele-tailerra egingo da (10-16 urte bitartekoentzat) Marcos Feijoo irakasleagaz. Ukeleleak izango dira tailerrean, baina tresna hori duenak ere eraman dezake. 25 leku daude tailerrean baina horiek ez betetzekotan tailerra egingo den egun berean sartzen utziko da.
Lekua erreserbatzeko: produccion@stereosonik.com.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!