Atxiloketa 20:30ak aldera izan zen atzo, eguaztenean, Kirol Portuan; udaltzainak ibilgailu biren artean gertatutako istripuaz arduratzera joan ziren.
Istripuan nahastutako gidarietako bati, 40 urteko gizonezkoari, alkoholemia-proba egin zioten; horretan, 0,89mg/l-ko emaitza eman zuen, onartutakoa baino ia hiru aldiz altuagoa. Hori dela eta, gizona atxilotu egin zuten, bide-segurtasunaren kontrako delitua egotzita.
Istripuaren ondorioz, beste autoaren gidaria arin zauritu zen. Hala, anbulantzia bat eskatu behar izan zuten eta gero Urdulizko ospitalera eroan zuten.
Polizia-eginbideak egin eta bideratu ostean, Getxoko Guardiako Epaitegira bidaliko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
