Datorren astelehenean, ekainaren 11n, "Pottoka" belaontzia porturatuko da Getxoko Kirol Portuan. Bertan, eskifaiari harrera instituzionalak egingo dio Getxoko Udalak, Alboko Esklerosi Amiotrofikoa (AEA) jotako gaixoen egoera ikusarazteko itsasaldiko geldialdian.
AEAren Atzetik Belak Zabalik elkartasun-ekimena maiatzaren 26an irten zen Bilbotik, Finisterre lurmuturra erronkatzat ipinita; ofizialki, datorren eguaztenean amaituko da, Donsotiako portuan. Espedizioko protagonistak honako hauek izan dira: Iñaki Elorriaga AEAk jotako getxotarra; Unai Basurko itsasgizona eta Kepa Junkera musikaria. Gainera, ADELA Euskal Herria federazioaren mesederako diru-batuketa egiteko baliatu dute iniziatiba.
Getxoko Udalak jakinarazi duenez, harrera-ekitaldia 12:30ean egingo dute, Getxoko Kirol Portuaren kortesiazko kaian; bertan, eskifaiaz gainera, parte hartuko dute Alvaro González eta Amaia Agirre Kirol eta Komunikazio zinegotziek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
