[ARGAZKI-GALERIA] Algortan da Endika Lejarzegi

Endika Lejarzegi algortarra atzo irten zen Monterrosoko (Lugo, Galizia) espetxetik, 15 urte preso egon ostean. Ehunaka lagunek harrera beroa egin zioten, sorterrira heldu bezain laster.

Espainiako Auzitegi Nazionalak 15 urteko espetxe zigorra ezarri zion 2005ean Lejarzegiri. Akusazioa DNA ustezko aztarnetan oinarritu zen bakarrik. Algortarrari leporatu zizkioten gertakariak 2000ko ekainaren 24an Agurainen (Araba) jazo ziren, ezezagun batzuek banketxe batzuen kutxa automatikoen kontra egun horretan egindako erasoak, hain zuzen. Ertzaintzak lau urte beranduago esan zuen Endikaren DNA aztarnak zituen arroparen bat topatu zutela inguruan, eta horretan bakarrik oinarritu zen 2005eko epaiketa guztia. Epaiaren arabera Lejarzegik eta beste laguntzaile batzuk ekintza prestatu eta aurrera eraman zuten kale borrokaren bidez, ETAk laguntzarako duen egitura erradikalaren barnean; hala ere, Lejarzegi izan zen akusatu bakarra epaiketan.

Bere garaian, Amnistiaren Aldeko Mugimenduak behin eta berriro salatu zuen Ertzaintzak inongo berme juridikorik gabe aurkezten zituela ustezko ADN frogak. Izan ere, metodo hori erabiltzen zebilen azken aldi horretan gura zuten gazteei kale erasoak leporatzeko, polizia zientifiko gisa agertu eta "froga" garbi eta ukaezinak zirelakoan.

Argazki-galeria

Endika Lejarzegiri harrera
Erlazionatuak

Endika Lejarzegi preso algortarra aske gelditu da gaur

Getxo

Endika Lejarzegi Algortako presoa Monterrosotik (Galizia) atera da gaur, espetxean hamabost urte pasa ondoren. 
Araitz Hidalgo: "Aita hilean behin ikusteko aukera du Aiurrek"

Getxo

Etxerat elkarteak antolatuta, "Haurrak eta dispertsioa" hitzaldia egongo da gaur, eguenean, Algortako Villamonte kultur etxean, 19:00etatik aurrera...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun