Kultura  Getxo 2018-06-27 18:00

Uztailaren 11n egingo dute Bertso Jaialdi Mundiala, Algortan

Puntako sei bertsolarik jardungo dute ALBE bertso-eskolak antolatutako Bertso Jaialdi Mundialean, horien artean getxoztar bik: Fredi Paia eta Jone Uria. Algortako Biotz Alai plazan izango da hitzordua, uztailaren 11ko iluntzean.

Uztailaren 11n egingo dute Bertso Jaialdi Mundiala, Algortan
Aurreko edizio bateko irudia. © ALBE | Ikusi handiago | Argazki originala

1999tik antolatzen du Algortako Bertso Eskolak Bertso Jaialdi Mundiala, beti ere "zerbait desberdin" egiteko asmoagaz. Oraingo honetan, Paia eta Uriaz gainera, Andoni Egaña, Unai Iturriaga eta Jon Maia izango dira parte-hartzaileak; Maddalen Arzallus ere bazen parte hartzekoa, baina ALBEk jakinarazi duenez ezin izango da hurreratu, bere ordez Alaia Martinek abestuko du. Ohi denez, gai baten inguruan garatuko da saioa, baina antolatzaileek ez dute azken momentura arte jakinaraziko zein den. 21:00etan hasiko da emanaldia.

Aurreko urteetan bezala, berariazko gai-jartzaile talde batek prestatuko du saioa, atrezzo berezia barne, eta entzuleek parte-hartze aktiboa edukiko dute, teknologia berrien laguntzagaz besteak beste.

2018/07/11 21:00

Algortako Bihotz Alai plaza | Getxo

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa