Kultura  Getxo 2018-07-09 12:54

Film laburren emanaldiak gaur eta bihar, Algortan

Aurten ere, zinema-zaleek Gaurik Laburrena film laburren jaialdiaz gozatu ahal izango dute uztailaren 9an eta 10ean, Algortako Biotz Alai Abesbatza plazan. Aurten 23 film proiektatuko ditiztu, horietako 14 gaztelaniaz eta, gainerakoak, euskaraz. Ohi den legez, saioak 21:00etan hasiko dira; sarrera, doan.

Gaur, astelehenean, filmak honako hauek izango dira: "Lume" (zuz.: Adrián Nogales), "Los desamparados" (zuz.: Eduardo Sánchez Petite), "Miranda y el mar" (zuz.: Giovanna Torres), "Zarpazo" (zuz.: Nerea Castro), "Piedras" (zuz.: Elena Sáenz), "Aprieta pero raramente ahoga" (zuz.: David P. Sañudo), "NADA S.A." (zuz.: Albert Pintò eta Caye Casas), "Al final explota un globo" (zuz.: Antonio Panteras), "Mi nombre es Koji" (zuz.: David Muñoz), "La buena" (zuz.: Antonio Panteras), "Paseos Darwinistas" (zuz.: Asier Redondo), "RIP" (zuz.: Albert Pintò eta Caye Casas), "El origen de un país" (zuz.: Clara Ibáñez) eta "Justicia justiciera III Kungfu Karate Annihilator" (zuz.: Rafa Dengrà).

Bihar, martitzenean, berriz, honako hauek osatzen dute eguneko eskaintza: "Jatorria deitura" (zuz.: Javier Delgado), "Aitxitxe" (zuz.: Sonia Flores), "Basoa" (zuz.: Garikoitz Rivera), "June" (zuz.: Arantza Ibarra Basáñez), "Areka" (zuz.: Atxur Animazio Taldea), "Euritan" (Arantza Santesteban eta Irati Gorostidi), "Azken muxua" (zuz.: Alex Tello), "Ziren" (Aitzol Saratxaga) eta "Zorrak Zor" (zuz.: Bertol Arrieta).

"Gaurik laburrena" nahitaezko hitzordua da film laburren zaleentzako. "Bertan, eskaintza interesgarri batez goza dezakete, mota ezberdinetako filmak erakutsiko direlarik. Gainera, ekimen honek paregabeko ekimena da zuzendari berriak bultzatzeko. Honen bidez, zinegile gazteek bere azken lanak aurkezteko parada dute", adierazi dute udal-iturriek.

2018/07/09 - 2018/07/10

Algortako Biotz Alai Abesbatza plaza Getxo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa