Proba honetan, 1,5 kilometro igeri egiten, 46 kilometro bizikletaz eta 10 kilometro korrika osatu beharko dituzte parte hartzaileek. Modu horretan, emakumeen lasterketa 13:30ean hasiko da, eta gizonena, berriz, 13:45ean, igeriketa probagaz, 750 metroko zirkuitu batean, Areeta hondartzatik ateraz eta bertara iritsiz. Ondoren, ibilbide bat osatuko dute bizikletaz, Umbe, Loiu, Gatika, Laukiz, Urduliz eta Leioa zeharkatuz, Areetako hondartzaren ingurura itzuli baino lehen. Proba amaitzeko, 5 kilometroko zirkuitu batean korrika egingo dute. Triatletek zirkuitu horri bira bi eman beharko dizkiote.
Uztailaren 21ean, zapatuan, Agustín Ugarte Oroimenezko V. Triatloia egingo dute Getxo Triatloi Taldeak eta Triunners klubak, Getxo Kirolak udal-erakundearen laguntzaz. Izena emateko prezioa 35 euro dira eta bertan parte hartu ahal izateko federazioaren lizentzia nahita nahiez eduki behar da. Interesatuek izena eman dezakete uztailaren 16ra arte, Triatloiko Euskal Federazioaren orriaren bidez: www.triatloi.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun