Astelehenetik aurrera eta, astebetez gutxi gorabehera, zirkulazio-murrizketak izango dira Algortako Kasune kalean, Villaondoeta eta Salsidu kaleen arteko zatian. Arrazoia da Getxoko Udalak lanak agindu dituela euri-urak biltzeko kanaleta bat ipintzeko, Salsidu etorbideko arrapala mekanikoetan kalterik egon ez dadin.
Zirkulazio-murrizketak egunero izango dira aipatutako epealdian, 08:00etatik 18:00etara bitartean, Kasune kaleko 1, 3 eta 5 zenbakietako etxeetan dauden garajeetara irten eta sartzeko izan ezik.
Udalak barkamenak eskatu ditu lan hauek sor ditzaketen eragozpenengatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
