Ondo-etorria eman ostean, Landak esan die plazera dela udalbatzar-aretoa umez beteta ikustea. Urtero legez, alkateak harrerako familiei eta elkarteei euren konpromisoa eskertu die, "horiek baitira Getxo bezalako udalerri solidario baten benetako ereduak". "Herriak egoera zailekiko elkartasuna agertzen du", gaineratu duenez. Agintariak Udalaren laguntza ere eskaini die familiei, eta neska-mutilei desiratu die familia getxoztarrekin uda gozatzea.
Sahararen aldeko Atfal, Bikarte, Acobi eta Ukrania Gaztea elkarteek bideratutako ekimenaren helburuak hurrengoak dira: osasuna zaintzea, ondo pasatzea eta etorri diren umeen egunero bizi duten errealitatearen berri getxoztarren artean zabaltzea. Harrerako familiakaz eta euren lagunakaz batera, hainbat jardueratan ondo pasatzeko aukera edukiko dute umeek, uztailean eta abuztuan.
Alkatearen berbak entzun ostean, magia-ikuskizun labur batez gozatu ahal izan dute neska-mutilek, udalbatzar-aretoan.