Datorren eguaztenean, uztailaren 18an, Hiri Antolamenduko Plan Orokorraren (HAPO) Aurrerakinari buruzko informazio-berbaldia egingo dute, 18:00etan, Getxoko Andra Mari kiroldegian. Herritarren parte-hartzerako prozesuaren barruan kokatu dute ekimena udal-agintariek. Hain zuzen ere, hil honen 11n toki berean egin zen hitzaldiaren jarraipena da.
Hirugarrena, bere garaian iragarri zen legez, irailaren 6an egingo dute, Algortako Kultur Etxean.
Bien bitartean, zabalik daude jendearentzat planari buruzko hiru erakusketa informatiboak (Romo Kultur Etxean, Andra Mariko kiroldegian eta Algortako kultur aretoan), urriaren 15era arte. Halaber, gogoratzekoa da www.hapo-getxo.eus webgunean begiratu daitekeela planaren aurrerakinari buruzko dokumentazio dena eta herritarrek parte-hartzeko inkesta.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
