Jendartea  Getxo 2018-08-07 13:42

Gidari bat atxilotu dute Areetan baimendutako alkohol-tasa seikoiztea egotzita

Getxoko Udaltzaingoak auto-gidari bat atxilotu zuen atzo, astelehenean, abuztuaren 6an, Areetan; bide-segurtasunaren aurkako delitu bat egozten diote, ustez autoa baimendutako alkohol-tasa gaindituta gidatzeagatik.

Atxiloketa 22:45 aldera izan zen, udaltzainek jakin zutenean pertsona bat mozkortuta zegoela bere ibilgailuaren ondoan. Hara bertaratu eta egiaztatu ahal izan zuten pertsona bat edari alkoholikoen menpe zegoela bere ibilgailuaren ondoan eta pixka bat lehenago Bizkaia Zubian sartzeko erreian aparkatu zuela, udal-iturriek adierazi dutenez. Gidariari, 49 urteko gizonezkoari, alkoholemia-proba egin zioten eta bertan 1,56mg/l-ko emaitza eman zuen, hau da, legeak baimendutakoa baino sei aldiz gehiago. Hori dela eta, gizona atxilo eraoan zuten, bide-segurtasunaren kontrako delitua egotzita.

Polizia-eginbideak egin eta bideratu ostean, Getxoko Guardiako Epaitegira bidaliko dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa