Getxoko Udalak herritarren laguntza eskatu du, igogailu publikoak ondo erabiltzeko

Erabiltzailearen aurpegia Hiruka 2018ko abuztuaren 8a

Uztailaren 10ean inauguratu zuten Algortako Portu Zaharreko igogailua. © GETXOKO UDALA

Getxoko Udalak herritarren laguntza eskatu du udalerriko igogailu publikoak ondo erabili eta funtzionamendu zuzena izan dezaten. Joan den aste-akabuan, matxura txiki bat izan ostean, pertsona batzuk Algortako Portu Zaharreko igogailuan sartu gura izan zuten ateak behartuz, udal-iturriek azaldu dutenez. "Jarrera horrek matxura areagotu zuen eta, ondorioz, ekipamendu horren konponketa atzeratu zuen", gaineratu dutenez.

Portu Zaharreko igogailua asko erabiltzen omen dute herritarrek. Iragan uztailaren 10ean zabaldu zenetik, batez beste 750 bidaia egiten ditu egunero, Udaletik adierazi dutenez. Hori dela eta, instalazio horietako edozeinetan zer edo zer gertatzen denean, Udaltzaingora deitzea gomendatu dute: 944 660 202  telefono zenbakira

Udalak gogoratu du udalerriko doako igogailuen funtzionamenduaren ordutegia honako hau dela: 05:45etik 24:00etara, Villamonte, Alango eta Aiboan; eta 07:00etatik 24:00etara Portu Zaharrean.

Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun