Kultura  Getxo 2018-08-09 12:55

Donald Trumpen "gainean" salto egiteko aukera emango du Getxophotok

Estatu Batuetako presidente ahalguztidunaren aurpegia inprimaturik daukan koltxoneta erraldoiak Getxophoton hartuko du lurra, irailaren 6tik 9ra arte. Gura duenak bere gainean jauzi egin ahal izango du, Getxo Antzokian.

Lehenengo egun bietan 17:00etatik 20:30era izango da ordutegia; eta azken egun bietan 11:00etatik 14:30era eta 17:00etatik 20:00etara.

Kessels eta Thomas Mailaender-ek Lurreko pertsonarik boteretsuenaz mendekatzeko aukera katartikoa eskaintzen dute, denbora-tarte labur batez bada ere. Tranpolinetik Donald Trump-en erretratu erraldoi bat duen koltxonetara salto egiterakoan, instalazio interaktibo eta lotsagabearen parte bihurtuko dira bisitariak. Gainera, argazkiak egiteko aukera ere egongo da, argazkilaritza-estudio ez ortodoxo horretan.

2018/09/06 - 2018/09/09

Getxo Antzokia Getxo

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa