Adineko emakume baten gorpua aurkitu dute gaur Areetako hondartzako uretan, EITB.eus-ek jakinarazi duenez. Hura suspertzen ahalegindu dira, baina ez dute lortu.
Eusko Jaurlaritzako Segurtasun Saileko iturrien arabera, inguruan zebilen herritar batek ikusi du hildako emakumearen gorpua uretan, jantzita, goizeko 11:00ak aldera, eta larrialdi-zerbitzuei jakinarazi die.
Gurutze Gorriko kideak, emakumea uretatik ateratakoan ahalegindu diren arren, ez dute lortu hura berpiztea, bihotza eta birikak geldi baitzeuzkan ordurako.
Hildakoak 80 urte inguru zeuzkan eta, gertakariaren ikerketari lotutako zenbait iturriren arabera, beraren arropetako batzuk ondo tolestuta agertu dira hondartzako zarama-ontzi batean. Baliteke, honenbestez, bere buruaz beste egin izana.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
