Irailean hasiko da Getxoko Egizu elkartea hilean behineko bizikleta-txangoak egiten. Ikasturteko lehenengo irteeraren data finkatzen dabiltza egunotan. Euskaraz jardutea da 2010ean hasitako ekimen honen helburu nagusia.
Zapatu goizez, hilean behin, Uribe Kostan 50 kilometro inguruko ibilbidea egitea da erronka, lagun artean eta euskaraz. Egunotan kurtsoko lehenengo irteeraren data zehaztu guran dabiltza: irailaren 1a eta 8a dira aukerak.
Bata ala bestea aukeratzeko, posta-zerrendaren bidez dabiltza iritziak jasotzen. Whatsapp-taldean sartu eta parte hartzen hasteko, Egizugaz harremanean jarri beharra dago, 644 277 155 telefono-zenbakira deituta edota egizugetxo@gmail.com posta elektronikora idatzita.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!