Abuztuaren 20tik 21era bitarteko gauean egindako "ekintza bandalikoak" direla eta hainbat kalteren berri eman du Getxoko Udalak. Besteak beste, adarrak hautsi dizkiete Andra Mari auzoko hamaika gereziondori.
Horrez gain, hiru aspertsore hondatu eta ureztatze-sarean kalteak eragin dituzte Algortako Telletxe kalean. Jaietan Portu Zaharreko zelaigunean beste 28 aspertsore apurtu zituztela gogorarazi du Getxoko Udalak.
Udaltzaingoak ikerketa abiarazi du ekintzaren egileak topatzeko asmoz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!