Ibon Coria eta Unai Aranguren jokalariek ez dute datorren denboraldian Getxo Rugbyn jarraituko, klubak jakinarazi duenez. Erabakia, momentuz, denboraldi bakarrerako da bien kasuan; ez dute iragarri etorkizunean jokatzera itzul litezkeen.
Bai Aranguren bai Coria zazpi urtez hasi ziren Getxo Rugbyn, eta biek hala biek eman dituzte 25 urte klubean. Ibon Coriak 17 urtegaz egin zuen debuta talde nagusian. Orain, bizkarreko lesio batengatik erabaki du gutxienez urtebetez jokatzeari uztea.
Arangurenek 19 urtegaz jokatu zuen lehenengoz Getxoren A taldean. Beraren kasuan, arrazoi pertsonalak izan dira datorren denboraldian goi-mailako kiroletik aldentzearen zergatia.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
