Getxoko Udaltzaingoak gizon bat atxilotu goizaldeko 04:30ak aldera, genero-indarkeria delitu bat leporatua. Bere bikotekidea Urdulizko ospitalera eroan dute, eta alta jaso du daborduko.
Komisarian jasotako dei bati erantzunez egin du atxiloketa Udaltzaingoak. Gizon bat emakume bati eraso egiten zebilela ohartarazita, poliziak adierazitako lekura joan dira, eta han, 30 urteko emakume batek esan die bere bikotekideak, 38 urteko gizon batek, eraso egin diola.
Urdulizen artatu eta alta eman ostean, emakumeak salaketa ipini du Getxoko Udaltzaingoaren egoitzan. Gaur eroango dute gizona epailearen aurrera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!