Ur-horniduran eteteak egongo dira gaur eta bihar Algortan eta Andra Marin

Getxoko Udalak jakinarazi duenez, ur edangarria banatzeko udal sarean probatze lan batzuk egin behar direla eta, presio-jaitsiera eta ur-etete batzuk izango dira gaur, astelehenean, 23:00etatik 02:00etara bitartean. Horrek eragina izango du Algortako Etorbidea, Mariandresena, Amezti, Orobio plaza, Basagoiti etorbidea eta Torrene kaleetako etxebizitzetan.

Era berean, bihar, martitzenean, ur-horniketa moztuko dute 15:30etik 21:00etara bitartean. Horrek eragina izango du honako kale hauetan dauden etxebizitzetan: Zientoetxe, Moreaga, Diliz, Goienetxe, Saratxaga eta Mirua.