Domeka honetan, irailaren 23an, Getxoko VII. Duatloi Txikia egingo da, Fadurako belodromoan, 10:15etik aurrera. Proban, oinez eta bizikletaz lasterketak egingo dira. Getxo Triatloi Taldeak antolatu du proba, Getxo Kirolak udal-erakundeagaz elkarlanean.
Umeen duatloia giro ludikoan egingo da, lehiatzeko presio barik, eta horren helburua da eskola-kirola praktikatzeko adinean dauden neska-mutilei modalitate hori ezagutzera ematea. Probak benjamin-, kimu- eta ume-kategorietan egingo dira, eta parte hartzeko beharrezkoa izango da bizikleta eta kaskoa eramatea.
Izen-ematea doakoa da eta izena eman daiteke bariku bitartean, hilaren 21era arte, Getxotri.org webguneko formularioan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
