Bizkaiko Boxeo Federazioak antolatuta, zaleek kick-boxing- eta boxeo-borrokaldi banaz gozatu ahal izango dute bihar, zapatuan. Goizean, 10:30etik aurrera, Bizkaiko Kick-boxingeko Sariketaren irabazlea nor izango den argituko dute. Iluntzean, 20:00etatik aurrera, Bizkaiko Boxeo-selekzioak Madrilgo selekzioari aurre egingo dio.
Goizeko kick-boxingeko sariketan parte hartuko dute orain arte hamar borrokaldi izan ez duten kirolariek, emakumezkoek zein gizonezkoek. Txartelak 12 euroan eros daitezke Fadurako leihatilan.
Bestalde, arrastiko boxeo-norgehiagokan honako borrokalari hauek lehiatuko dira Bizkaiko selekzioan: Naiara Olmedo sopeloztarra, Jessica Brunet, Ander Blanco, Teo Creanja, Youssef Hamid, Brayan Zapata, Mikel Sortino, Luis F. Vaca, Iker Fernández, Iker Gimenez, Mohamed Elhabib eta Jokin Garcia. Hamabi borroka ikusteko txartelak 14 euroan erosi ahal izango da Fadurako leihatilan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
