"Arrazoi pertsonalengatik" dimititu du Lucia Isla Nekazaritza zuzendari itzubaltzetarrak

Erdian, Lucia Isla erbiak askatzeko ekitaldi batean. © BIZKAIKO FORU ALDUNDIA

Bere dimisioak hainbat hedabidetan sortutako zalaparta "ulertzen ez" duela adierazi dio HIRUKA komunikazio-taldeari atzora arte Bizkaiko Foru Aldundiko Nekazaritza zuzendaria zen Lucia Isla Llona itzubaltzetarrak. Besteak beste, "El Correo" egunkariak pinuen izurriteak "sortutako krisiagaz" lotu gura izan du Islak bere kargua utzi izana.

Lucia Islak HIRUKAri esan dionez, "arrazoi pertsonalengatik utzi dut kargua; beste egitasmo batzuk dauzkat eskuen artean".