Marefondum irabazi asmorik gabeko elkarteak itsas hondoa garbitzeko ekintza berri bat antolatu du, Getxoko Udalaren laguntzagaz. Jardunaldia 09:30ean hasiko da, Arriluzeko moilan; bertan harrera egingo zaie Itsas Zaindarien Sareko urpekariei eta lehorretik lagunduko dituzten pertsona boluntarioei, taldeak koordinatzeko. Garbiketa 11:00etan hasiko da eta 12:15ean batuko dira parte-hartzaileak; kontzientziazio-berbaldi txiki bat ere eskainiko zaie.
Itsas Hondoen laugarren Garbiketa Handia izango da biharkoa; ekintza bera burutu zuten iragan ekainean Algortako Portu Zaharrean eta Espainiako estatuko kostaldeko beste hogei bat tokitan; orduan, 9 tona hondakin baino gehiago kendu zituzten itsas hondoetatik.
Helburua nagusia da eskola-umeak, bereziki, eta herrritarrak, oro har, sentsibilizatzea, gizakion jarduerak kostaldean, ozeanoetan, aintziretan eta ibaietan dituen ondorioen inguruan. Eta arduratu daitezen, euren ekintzek eragin txikiagoa izan dezaten ingurumenean.
Gogoratzekoa da itsasora eta ozeanoetara iristen diren hondakin solidoek (%80k kontinenteetan du jatorria) kalte egiten dietela urpeko ekosistemei, eta urtero milioi bat hegazti bano gehiagoren eta ehun mila dortoka eta ugaztunen heriotza eragiten dutela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
