Saltoki-gunea zabaldu gura dute Ormatzan

Iker Rincon Moreno 2018ko urr. 17a, 12:08
Iaz jakinarazi zuen Udalak Ormatzan 116 BOE egin gura zuela. © GETXOKO UDALA

Getxoko Udalak bilera antolatu du Ormatzako esparruan egingo duen Hiri-Antolamenduko Plan Orokorraren (HAPO) aldaketa zehatza azaltzeko. Saioa bihar, eguenean, egingo da 19:00etan, Andra Mari kiroldegian. Besteak beste, saltoki eta bulegoetarako mila metro koadro baino gehiago erabili gura dituzte.

Biharko bilera Herritarren Parte-hartzearen Programak ezarritakoaren arabera antolatu dute.

Iragarritako HAPOren aldaketa horren bidez Udal Gobernuak gura du Ormatzan hiri-lurzorua garatzea. Testu-aldaketak  eragin handia izango du, udal-arduradunen arabera:

  • "Bulego, saltoki eta ekipamenduetarako" 1.362,13 metro koadroko partzela bat aurreikusi dute.
  • "Dauden eraikinen azterketa euren integrazioa hobetzeko" arlo horretan.
  • Lorategi eta parke publikoetarako aurreikusitako "eremu handiagoak", tartean nabarmentzekoa Maidagan kale aurrean dagoen 4.873,23 metro koadroko parkea.
  • "Babestutako etxebizitzaren aurreikuspen handiagoa", etxebizitza tasatu berriak, "43-51 inguru".
  • Ikastetxeetarako "lasaitasun handiagoa" eta "lotura hobeak" inguruetako hiri-guneakaz –bai oinezkoentzat bai ibilgailuetarako-.
Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun