Aurten ere, Bihotza Gazte bertso-ekitaldia egingo dute Algortan. Azaroaren 9an, barikuan, jarri dute hitzordua, Azebarri kultur elkartearen txokoan, 20:30ean. ALBEk antolatuta, bertsolari beteranoak izango dira bertso-saio horretako protagonistak.
Oraingoan, Juan Jose Eizmendi "Loidisaletxe II" eta Xabier Zeberio "Zeberio I" izango dira bertsokera klasikoaren erakustaldia egingo dutenak.
Gainera, bertsoez aparte, euskal doinuak ere tartekatuko dira saioan, Oxabi musika taldearen eskumenez. Era berean, Albeko gaztetxoek ere parte hartuko dute saioan, bertsolari nagusiei puntuak eta gaiak jarriz.
Sarrera librea izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!