Ahots- eta piano-errezitaldia, Areetako Andres Isasi musika eskolan

Andres Isasi musika eskolako ikasle bat pianoaz lagunduta, artxiboko irudia. © GETXOKO UDALA

Zapatu honetan, azaroaren 3an, errezitaldia egingo da Areetako Andres Isasi musika eskolan: Jose Mª González Estoquera baritonoa eta Pía Rojas Torija pianista arituko dira. Gonbidapen bitartez sartu ahal izango da saiora eta txartela eskolan bertan hartu beharko da.

Errezitaldia 19:30ean hasiko da eta, bertan, R. Schumann, J. Brahms eta G. Mahler musikarien lanak interpretatuko dituzte.