Dantza- eta musika-ikuskizuna bihar, Andres Isasi musika eskolan

© BASABI

Bihar, zapatuan, "Bakun" ikuskizuna eskainiko du Basabi taldeak Areetako Andres Isasi musika eskolan. Sarreraren prezioa 5 eurokoa da (3 euro eskolako ikasleentzat). Saioa 18:00etan hasiko da.

"Bakun" ikuskizuna jakin-mina duen publiko desberdin bati zuzenduta dago. Gure kulturako elementuak erabiliz eta herri-musikaz lagunduta, ñabarduraz beteriko ikusmen-bidaia sortuko dute, ikuslearen irudimena piztuko duen bidaia, hain zuzen ere.

Basabi taldea sei musikarik eta dantzari batek osatzen dute eta hainbat arlo artistikotan aritutakoak dira. Euren asmoa da purismorik ez duen ikuskizuna eskaintzea. Biolina, biola, kontrabaxua, arpa eta txalaparta elkartuz sortuko den soinu paregabea oinarria da protagonistarentzat, hau da, dantzarentzat.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun