HIRUKAk ekonomikoki bizi dituen une gaitzak arintzen lagunduko duten norbanakoak aurkitzeko asmoz, HIRUKAlagunak egiteko kanpaina kalera aterako du Uribe Kostako komunikazio-taldeak. Horren barruan, eta ALBE Algortako Bertsolari Eskolaren laguntzaz, bertso-poteoa egingo dugu azaroaren 15ean, eguenean, Algortako Ajuria tabernatik abiatuta arrastiko 20:00etan.
Ibilbidea ondokoa izango da: Ajuria (hasiera), Salem, Unai, Aterki eta Kasino plaza (amaiera).
Egoera ekonomikoak itolarrian utzi du HIRUKAren proiektua; aurrera egiteko, ezinbestekoa da Hirukalagunen sarea zabaltzea. Urtea amaitu baino lehen 333 Hirukalagun berri egitea da erronka. Utzi bazterrean axolagabekeria, eta babestu euskarazko prentsa. Urtean 35 euro baino ez dira!
https://hiruka.eus/harpidetza/laguna
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!