Azaroaren 15etik 22ra bitartean izango den "Bilbao Bizkaia D Week" izeneko ekimena dela eta, egingo diren jardueretako bi Getxon izango dira. Ekimenak diseinuaren inguruan askotariko jarduerak biltzen ditu, aurten izenburu honen pean: "Hyperdesign: diseinuaren mugak zabaldu".
Aste osoan zehar "La recomposición Abad" izeneko erakusketa ikusgai egongo da Begoñako galerietan. Bertan, Getxoko estudio horretako altzari-bilduma berria ikusi ahal izango da, 2018ko AixeGetxo saria irabazi zuena diseinuaren modalitatean.
Eguaztenean, hilaren 21ean, "Open Studio Getxo" egingo dute, EIDEk antolatuta. Interesa dutenek Getxoko diseinu-estudio batzuk bisitatzeko eta bertan lan egiten dutenakaz hitz egiteko aukera izango dute. Bisita Begoñako galerietan amaituko da, eta bertan Abadek bere proiektua azalduko du
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
