Bihar, eguenean, Getxoko EH Bilduko kideek Nerea Guijarrubia koalizio abertzaleko alkategaia izango dela berresteko aukera izango dute, Algortako Villamonteko kultur etxean, 19:00etan. Guijarrubia barne hauteskunde prozesuan proposatua izan den hautagai bakarra izan da, eta herrian lortu duen babes maila ikusita, Hauteskunde-batzordeak alkategai izendatu du berrespenaren zain.
Nerea Guijarrubia 2016. urtean hasi zen zinegotzi lanean eta gaur egun EH Bildu udal-taldearen bozeramalea da. Gazte-gaztetik herri mugimenduetan ibilitakoa da, algortarra da eta Euskal Filologia eta Kazetaritzan lizentziatua.
Eguenean berretsi ostean bere aurkezpen ekitaldi publikoa domekan izango da, azaroaren 18an, eguerdiko 12.30etan, Romo Kultur Etxean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!