Romo herri-ikastetxeko jolastokia aparkaleku publiko gisa erabiltzeko aukera egongo da aurten ere, salbuespen neurri modura, abenduaren 24, 25 eta 31n eta urtarrilaren 1, 5 eta 6an. Aparkatzeko ordutegia honako hau izango da: abenduaren 24ko, domeka, 16:00etatik abenduaren 25eko, astelehena, 22:00ak arte. Ordutegi bera izango da abenduaren 31tik urtarrilaren 1era eta urtarrilaren 5etik 6ra.
Erabaki horren bitartez, Getxoko Gobernu-taldeak oreka lortu gura du ikastetxearen patioaren erabilerarako, egun horietan aparkaleku bezala erabiliko dutenak eta, oporretan egonik erabiliko duten umeak eta gazteak kontuan hartuta; hau da, ekipamendua erabiltzeko eskaera guztiak kontuan hartuz, eta ez Gabonetako oporraldi osoan aparkaleku bezala erabili.
Aparkaleku bezala erabiltzeko ordutegia amaituta, aipatutako jolastokitik atera ez diren autoak garabiak eraman egingo ditu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
