Ibar Nagusien Etxea Elkartea, Itzubaltzeta/Romoko Auzokideen Elkartea eta Romo Plataformak manifestazioa deitu dute barikurako, azaroaren 30erako. Hitzordua 19:30ean jarri dute, Lope de Vega kaleko 12an dagoen nagusien etxean.
Mobilizaziora deitu duten taldeek deitoratu dutenez, Getxoko Gobernu-taldeak ez ditu pertsona nagusien borondatea eta iritziak kontutan hartzen. Horrez gainera, gogoratu gura izan diete politikariei kudeatzaileak direla, eta ez udalerriko ondarearen jabeak; "udal-ondarea herriarena da", aldarrikatu dute.
Hala, Itzubaltzeta/Romoko nagusien etxea gaur egun dagoen lekuan mantentzea eskatu dute, baita kultur etxea eta udal-euskaltegia hartzen zuen eraikina bere horretan uztea ere, Eguneko Zentro bat egin ahal izateko bertan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
