Gazteei bideratutako etxebizitza kolaboratiboen proiektua onartu du Getxoko Udalbatzak. Horretarako, teknikoki eta juridikoki bideragarria den aztertzeko txosten bat egingo dute, 6 hilabeteko epean. Era berean, teknikari, politikari eta gazte ordezkaritza izango duen lantalde bat osatuko dute, proiektua osatu ahal izateko. Mozioa EH Bilduk aurkeztu du.
Koalizio abertzaleak aitortu duenez, neurri bakar batek ez du gaur egun gazteek bizi duten errealitatea irauliko, "neurri andana beharrezkoak dira urteetan eragindako arazoei konponbidea ekartzeko".
EH Bilduren arabera, etxebizitza kolaboratiboen eredua "interesgarria" izan daiteke, gazteek egun etxebizitzaren inguruan bizi duten errealitatea "hobetzen lagun dezakeelako". Azaldu dutenaren arabera, mota horietako etxebizitzen filosofia "oso onuragarria" da oso: "Mota honetako etxebizitzeen bizilagunek eremuak partekatzen dituzte, eremu batzuk komunak diren bitartean, beste batzuk norbanakoarenak dira. Esan dezakegu, 'Cohousing' edota Etxebizitza Kolaboratiboak auzo edo komunitate txiki baten antzekoak direla, komunitate atsegina baina".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
